خطوات الكشف الطبى المطلوب فى الهجرة العشوائية بتفصيل الملل مع شرح جميع الفحوصات الطبية مع الاسعار :)

المرحلة الاولى هقول اية الطلبات اللى هتحتاجها وانت رايح تعمل

الكشف الكشف؟

(الباسبور الاصل )

3 صور للباسبور

3صور شخصية مش لازم مقاس معين ولة خلفية بيضاء عادى

3صور للجواب الثانى

((((المصاريف كلها هكتبها بالظبط بس فى الاخر ))))

المرحله الثانيه : اسماء وعناوين المستشفيات داخل مصر ؟

الدكتور عمرو ماهر

العنوان : 97 ش عبد السلام عارف - جليم - الاسكندرية - أرقام الهاتف : 582-2323

ساعات العمل 6:00 حتي 8:00 من السبت إلى الأربعاء

الدكتورة سلوى محمد حسن بدوي

العنوان : شارع (5) ، اسماعيل حلمي بجوار مدرسة سيدي جابر - Tawaniat سموحة - الاسكندرية

ساعات العمل 6:30 حتي 9:30 من السبت إلى الخميس - أرقام الهاتف : 03-4208288

ثانياً ما هى اسماء وعناوين المستشفيات داخل القاهره ؟

الدكتورة ماجدة رمزي حبيب

العنوان : مستشفى الأنجلو أمريكية - برج او شارع القديس - الجزيره - القاهره

ساعات العمل من 10:00 صباحا حتى 2:00 بعد الظهر من السبت الى الخميس

ارقام التليفون : 27356608 -0124711235- 0124463734- 0187929929

الدكتور هشام البرلسى

الدكتورة ايمان رشدى

االعنوان : مستشفى الشروق - 5 شارع بحر الغزال - احمد عرابى - القاهره

ساعات العمل من 10:00 صباحا حتى 4:00 عصرا من السبت الى الخميس

ارقام التليفون : 33044901- 33044892

يلة بينا يا رجالة بقى نبتدى (انا كشفت يوم الاتنين اللى فات عند دكتور عمرو ماهر ) اول حاجة دخلنا قعدنا شوية فى العيادة)

السكرتيره التابعة للدكتور فى الاستقبال طلبت منى الاوراق اللى قلت عليها فوق بس هية ماخدتش كل الورق والصور هية هتاخد

(صورة شخصية فقط وصورة للباسبور وصورة الجواب الثانى)

هقولكم باقى الصور والورق هيروح فين بس واحدة واحدة

وبعد ما اخدت مننا الحاجات دى دخلت دخلنا واحد واحد على غرفة فى العيادة على فكرة انا واسرتى معايا فى الكشف لاننا مسافرين عائلى

بس انا بحكى كل التفاصيل على الفرد الواحد والمصاريف للشخص الواحد تماااام :)

المهم دخلنا مع السكرتيرة او الممرضة واحد واحد اول حاجة قامت بقياس الضغط وبعد كدة اخدنا حقنتين تطعيم بصراحة مش عارف لية الحقن دى

بس تقريبا دى لازم قبل القيام بفحوصات الكشف المهم اخدنا الحقنتين كل حقنة فى كتف واحد فى اليمين وفى الشمال

وبعد كدة هتوقفك على ميزان وهتاخد وزنك وبعد الوزن هتاخد طولك كل دة بيتسجل معاها فى التقرير

وبعد كدة هتسالك انت جالك جالك مرض الجدرى ههههههههههههه اوعى تقولها مجاليش

هتدفع 200 جنية فوق الكشف فا حتى لو مجالكش قول جالى وانا صغير وبكدة انت وفرت لان المرض دة مش هااام قوى يعنى

وبعد ماخلصنا مع مع الممرضة دخلنا كلنا لدكتور عمرو ماهر بقى اتكلم معانا دردشة بس كان بيسجل اللى بيسالة فى التقرير برضو

سالنا فية حد عمل عمليات جراحية قبل كدة او فية حد بياخد ادوية لامراض معينة فا قلنالة لا

قالنا اوك تمام وواحد واحد كشف علية فى المكتب اول حاجة كشف على النظر بيفتح العين وبكشاف صغير كدة معاه

وبص على الودان وبعد كدة بيفتح الفم بعصاية زى بتاعى الايس كريم كدة وبص جواة :)

وبعد كدة كشف على دقات القلب مسك ايدي وكان بيبص فى الساعة وكل حاجة بيسجلها برضو فى التقرير مفيش حاجة مش بتتسجل

وبعد كدة كشف على مفاصل الرجل ارفع رجلك لو سمحت وهييجى خابطك بالشكوش ههههههههههههه

وكشف على باطن الرجل برضو

وبعد كدة كشف على عضلات الضهر واتاكد ان كل العضلات سليمة ومفيش كسر او اى حاجة

وبكدة انتهينا من نصف الكشف الطبى مش ناقص غير( التحليل على مرض الزهرى والايدز والاشاعة على الصدر)

نفس الدكتور كتب لنا اسم المركز الخاص اللى هنروح نعمل فية تحليل وايضا المركز اللى هنروح نعمل فية الاشاعة

المراكز دى شغالة معاه يعنى هنروح نحلل والمركز هيرسل لة النتائج تلقائى مش احنا اللى هناخد النتائج

المهم رحنا اول حاجة مركز الاشاعة ودة كان فى مصطفى كامل واحنا كنا عند الدكتور فى جليم والدنيا كانت زحمة وقرف بس الحمد للة وصلنا المركز

هياخدم منك (صورة شخصية فقط وصورة للباسبور وصورة الجواب الثانى)

هقولكم باقى الصور والورق هيروح فين بس واحدة واحدة برضو

هتقعد شوية لانك اكيد مش هتروح تلاقى المركز مفهوش ناس المهم قعدنا شوية لقينا الدكتور اللى هيعمل الاشاعة على الصدر

بينادى كل واحد باسمة اللى يسمع اسمة هيدخلة قدام جهاز الاشاعة وانت مش لابس حاجة فوق هتقلع اللى لابسة ويقولك على حاجات معينة فى الوقفه علشان الاشاعة تطلع مظبوطة

وعلى فكرة لو الاشاعة طلعت غلط بتتعاد مجانا متقلقش يعنى

وبكدة يبقى خلصت الاشاعة ومش ناقص غير التحليل احنا زى ماقلت كنا فى مصطفى كامل

وعنوان مركز التحليل فى المنشية بس الحمد للة الدنيا كانت فوقت بقى ومفيش زحمة اوووى

رحنا طلبم مننا (صورة شخصية فقط وصورة للباسبور وصورة الجواب الثانى) وبكدة احنا وزعنا كل الصور

قعدنا استنينا دورنا برضو ودخلنا واحد واحد للمرضة اللى موجودة اخدت سرنجة دم من اليد للتحليل وبكدة

كلة تمااااااام وهمة برضو هيرسلو نتائج التحليل على الدكتور

وروحناااااااااااااااااااااااااااااااا بقى كفاية كدة دة ولة كاننا داخلين الجيش :)

والدكتور قالنا تعالم استلمم الكشف الطبى الاتنين اللى جى يعنى بعد اسبوع

والحمد للة استلمت كل التقارير والدكتور طمينا بان كله تمام ومفيش اى مشاكل عندنا عقبالكم جميعاااا

ملحوظة .(لو اى حد ظهر عندة مرض او اى شئ فى الكشف انت لم تستلم التقارير اللى فى الجواب .الدكتور بيرسلها على السفارة علطول وانت بتروح تتفاوض مع السفارة بقى يا يقبلوك انك تسافر يا لا ... معلومة من الدكتور )

(وصلنا للاسعااااااااااااااااااااا

اااار )

اول حاجة بتدفع 220ج فى العيادة اللى اخدنا فيها الحقنتين فاكرين .

وبعد كدة بتدفع 85ج للاشاعة بتاعة الصدر اللى فى مصطفى كامل اييييية فاكرين ولة تايهين .

وبعد كدة بتدفع 65ج لتحليل الايدز والزهرى اللى كان اخر حاجة .

(الاجمالى للفرد الواحد 370ج )

(يارب يكون الكل استفاد ولو فية حاجة نسيتها او عاوزين تستفسرو عنها انا معاااااكم اكتبوها فى كومينتات )